Við erum með fastar tveggja tíma ferðir en einnig er hægt að panta styttri eða lengri ferðir eftir óskum.
Í tveggja tíma ferð upplifir fólk umhverfi Ísafjarðar á spennandi og skemmtilegan hátt.
Ferðin hefst niður í bæ þar sem leiðsögumaðurinn kennir á hjólin og farið er yfir öll öryggisatriði.
Keyrt er í gegnum bæinn áleiðis að fjallinu þar sem farið er eftir malarvegi inn fjörðinn. Þá er farið niður í fjöru og þaðan upp annað fjall. Farið er eftir malarvegi upp á Breiðadalsheiði og alla leið upp á Þverfjall þaðan sem útsýnið yfir Skutulsfjörðinn er stórkostlegt og einnig er hægt að sjá yfir í næstu firði. Í bakaleiðinni er farið í gegnum Tunguskóg.
Frábær leið til að upplifa Ísafjörð og umhverfi hans á nýjan og öðruvísi hátt. Ef það er mjög skýjað er farið inn í Engidal og upp að Fossavatni.
Stoppað er eftir óskum til að taka myndir.
Hjólin eru fyrir 1-2 farþega
Hjólin eru sjálfskipt og mjög auðvelt að aka þeim
Allt sem þarf er ökuskírteini
Innifalið: leiðsögumaður, hjálmar, heilgallar og hanskar
Ef þú hefur ekki mikinn tíma en langar að sjá allt er fjórhjólaferð frábær leið til þess.
Mæting: Á starfsstöð okkar við Aðalstræti - beint á móti Upplýsingamiðstöð ferðamanna við Ísafjarðarhöfn
Brottfarir: 10, 13 og klukkan 20. Gott er að mæta 20 mínútum fyrir brottför
Aldur: Ökumaður með ökuskírteini, farþegar mega ekki vera yngri en 14 ára
Hópastærð: Hámarksfjöldi er 6 farþegar
Lengd ferðar: 2 klukkustundir